الامتياز؟؟؟!!!

[نوره]

وين تنصحون اخذ امتياز؟؟

تعبت من التفكير .. :blink: وكل ماطرا لي مستشفى طلعو فيه مية عله

ف بليز اي احد اخذ امتياز بالرياض او يعرف ايهم احسن مستشفى

لا يبخل علي وعلى زميلاتي بالنصيحة

ومشكورين مقدما

[سمراء الخريف]

بسم الله الرحمن الرحيم..

اهليـــــــــــــــــــــــــــــــــــــــــــــن وسهليـــــــــــــــــــــــــــن بنورة

والله السؤال هذا جاب لي الصداع.. مافي احد ماسألته!!!

ونفس حالتك كل مين يقولي كلام غير!!

اخر شئ سألت استاذ نبيل ميشة .. واستاذ نبيل الآخر لسه مارد علي..

قولي ربي يسهل وكل شئ يصير تمام..

بس اذا سمعتي شئ حلو..

لا تنسي صاحبتك المسكيــــــ :( ــــــنة !!!

تحياتي..

[X - DCH - KSA]

اتوقع والله العالم مستشفى الملك فيصل التخصصي

ولا ارى له منازع ابدا .. لوجود اجهزة واطباء وتطور مستمر

هاذا بالنسبة لمستشفيات الرياض

اما مستشفيات الشرقية

1- مستشفى ارامكو السعودية لوجود اطباء اكفاء واجهزة متطوره

2- مستشفى الدمام المركزي لوجود اطباء اكفاء وجميع اجهزة الاشعة

وعندما تسئل عن مكان للتدريب لا بد ان يكون في بالك ..

وجود جميع الاجهزة الطبية والاشعاعية

عدد المرضى المنومين وعدد مرضى لعيادات الخارجية

الراحة النفسية للمستشفى من ناحية التعامل مع الاطباء والفنيين

نقطة مهمه لا يجب اغفالها .

هل المستشفى او المختص بالتدريب كريم بالدرجات ام لا

تحياتي للجميع

[nabil]

اعتقد ومن جهة نظري انو مستشفى الحرس الوطني بالرياض من افضل المستشفيات لتدريب طلاب وطالبات الامتياز وذلك بشهادة الخريجين اللي تخرجوا

والله يعينكم يانوره واسمراء الخريف :P


نبـــ :) :D ــــيل

[نوره]

مشكورين على المساعده

التخصصي بعيد مره عني

اظن الحرس حلو .. انشالله يعني

اختي سمرا الخريف قدمي معي جسريني :P خلاص نتوكل على الله ونروح الحرس

بس نقطه مهمه!!!

X - DCH - KSA
نقطة مهمه لا يجب اغفالها .

هل المستشفى او المختص بالتدريب كريم بالدرجات ام لا


طيب انا كيف اعرف؟؟؟؟!!!!!

استاذ نبيل كريمين الحرس بالدرجات ولا؟؟؟؟ :unsure:

[nabil]

جدا كرماء وانا اعرفهم معرفه تامه بس اهم شي شدي حيلك انتي وسمراء الخريف :)


الله يوفقكم

نبـــ :) :D ـــــيل

[سمراء الخريف]

بسم الله الرحمن الرحيم

نورة يا قلبي الحرس بعييييييييييييييييد علي حييييييييييييييل

مع اني اتمنى يقبلوني .. :rolleyes:

بس وش رايك بمدينة الملك فهد!!! B)

سمعت ان الشغل عندهم بطئ لان ماعندهم مرضى كثير.. بس عندهم كل الامكانيات
والاجهزة.. :D

انا حطيتها رغبة ثالثة..
لاني ابغا اشتغل هناك بس الامتياز ,,
امممممممممم اعتقد ان الحرس والعسكري احسن :D
زي ماقال استاذ نبيل..


اما التخصصي !!! :angry:
لو كان اخر مستشفى في العالم ماراح افكر فيه
ولا انصحك حتى ... كفاية ان دوامهم لحد 6 !!! :blink:
وان كانت رواتبهم مغرية !!!

الله يسهل ويكتب لنا الخير..
تحياتي..

[Nabeel Mishah]

ياهلا

مرحلة الامتياز


من أهم مراحل التي سوف تشكل مستقبلك الوظيفي


عموما انصحك بالمستشفيات الكبرى مثل التخصصي بالرياض او العسكري او الحرس او أي مستشفى آخر به جميع الأجهزة

والأهم هو أن يكون الكادر فيه متعاون ومرحب بالشباب والشابات المستجدين

والله يوفق الجميع

[نوره]

السلام عليكم


عزيزتي سمرا الخريف توكليي على الله خلاص وخليك معي نروح الحرس

انا حطيته رغبه اولى والمدينه رغبه ثانيه

وشطحت للمركزي اللي بالشرقيه رغبة ثالثه :P


الله يعطيكم العافيه جميعا

محتاجه مساعدتكم فعلاااا

وماقصرتوا جميعا :rolleyes:

[mogren]

الأستخاره مره مفيده
استخيرو الله و الله يكتب لكم الخير في اي مكان والله يوفقكم
1 الحرس
2 التخصصي
فيه برامج تدريب حلوه مره مع ان الدوام طويل بس ممتع لأنك تشارك معهم ولك قيمتك

العسكري! في الفتره هذي شوي لخبطه لان قسم الاشعه فيه توسعه واجهزه جديده كثير والموظفين نفسهم مشغولين والله اعلم
و ما خاب من استخار الله وشاور المخلوقين والله يسهل اموركم :P

[نوره]

الله يجزاك خير اخوي اكيد الاستخاره مهمه

وانا قبل لا كتب خياراتي كنت مستخيره


حتى انا اول وحده تعبي ال 3 رغبات كامله

الله يكتب اللي فيه خير دعوااااااااااااااتكم جميعا

الله يوفق الجميع