الطب والصيدله علم , ام فشخره !!

[BiG BrOtHeR]

بسم الله الرحمن الرحيم ...
اعرفكم بنفسي انا عضو جديد عندكم اتمنى اكون فعال وخفيف وصحي على قلوبكم ..

الموضوع عباره عن افكار ناقشتها مع احد طلاب الصيدله جامعه عزوز , وكان النقاش مبني على محاور رئيسيه منها :

هل دراسة الطب والصيدله فشخره وماهي الا انا بادرس طب وصيدله وخلاص ولا حب وهواية للعلم دا !!!
بصراحه اللي انا شايفو انه مجتمعنا يهتم بالدرجه الاولى بالمظاهر وانعكس الشي دا حتى عالدراسه , يعني مثلا تروح جافا , ستار بكس , شيليز تلاقي وحده لابسه اللاب كوت وماشيه فيه !! ليش مادري او مطبقته ومعلق على كتفها مادري يمكن يبكي لو خلتو لحالو في السياره بصراحه مادري ليش !!!
يعني بصراحه مو منظر خصوصا لو كان في جروب كدا من الجامعه تحس انك داخل مختبر كلو لابس لاب كوت .

الشي التاني واحد يدرس طب تلاقي النك نيم حقو في منتدى او المسنجر او اسم البلوتوث او عالسياره DRمدري مين !! يعني شويه يكتب عالتوب ياجماعه ترا انا دكتور انتبهو على نفسكم انا مره رهيب !!!
طبعا مع احترامي الشديد لطلبه الطب اوالصيدله اللي ادعيلهم بالتوفيق واكيد مو كلهم بالمنطق والتفكير دا بس مجرد اشياء مستغربها
واتمنى الاقيلها اجوبه مقنعه يعني وحده تقلي ليش تروح جافا باللاب كوت عشان البس انا كممان وانا رايح يمكن في تخفيض ولا شي !!
ولا الموضوع انه كل واحد يرمز للشي اللي يدرسه يعني انا بادرس حاجه في الكمبيوتر امشي بهاردسك في جيبي واعلق كيبورد وماوس !!
اعتقد انه دا الفرق بين الطبيب المبدع اللي كل يوم طالع في الجريده بأنجاز جديد وبين الطبيب اللي تلاقيه في مستوصف بدر التمام بيكشف على عماله وافده ....

اعييييد واكررر انا ماباعمم الشي دا عالكل بس يعني شي حبيت اقولو

[samsom]

واو مووضوع رائع بيج برذر احم احم

اعرفكم هدا ماي بيج برذر سلام كبير اوووووي :P

طبعا لازم اكون اول الناس الي يردو على مووضوعو اعملو بوشينج يعني بما انو اول موضوع .. :P


في الحقيقه و الواقع و مستنقع القواقع وجري الضبان في الاراضي انا

اشوف الشي دا دايما بس مو فكل الطلبة اعتقد انو نظرة الناس لدا التخصص اوووووووو والله هدا

دكتووور :huh: ماشالله مين قدو ( انا مرة ما اقلل من اهمية وقيمة الدكاترة ) .. فااظن انها تاثر

كتير..

وشي تاني بما انو التخصصات دي مو اي احد يدخلها يعني لازم نسبة و اختبار قبول واختيار الافضلية

و حوسة قد ايش كبرها يعني يمكن صاحب التخصص يغتر شوية ! بس دا الشي مو منتشر بس لكل الطلبة

في منهم دخل المجال دا لحبو فيه مو الغرض الشهرة ..

بس ليش منتا كاتب علوم طبية :angry: :blink: حتا نحنا نلبس لابكوت :P

[رونتجن]

اهلا وسهلا big brother في منتدانا المتواضع
الصراحه انا كنت اسال نفسي نفس السؤال وحصلت انه الاجابه لانه المجتمع مع الاسف الشديد فرض علينا مثل هذه المظاهر مع انه الواحد يقدر يبدع في مجاله حتى ولو كان بسيط ، وانا معاك من ناحية عدم التعميم لانه في النهايه في طلاب دخلوا هذا المجال عشان يبدعوا فيه وما يحبوا المظاهر
مشكور على موضوعك الحلو واتمنى انك ما تحرمنا من مشاركاتك الرائعه :D :D

[BiG BrOtHeR]

مسسسسسسااااكم الله بالخير

ياجماعه ترا المشرف دا عندي في البيت اللي يبغى يقتص منو في شي ترا انا جاهز رساله عالخاص ويعرف شغلو كيف P:

وبعدين ايش اللي يغتر ! ياعمي الغرور مقبرة النجاح بعدين والله الدكتور له هيبه انا معاك بس جوه العياده بالاب كوت تحس نفسك جالس مع انسان مكافح بس بره العياده ماله داعي تمشيلي بلاب كوت عشان مازعل

بعدين انا ماعمري شفتك لابس لاب كوت بلا نصب !!

رونتجن ميغسي حبيب البي على ترحيبك في منتداكم المتواضع عجبتني حكايه انو اي احد يقدر يبدع في اي مجال حتى لو كان بسيط .

بس نظام الدراسه هنا مايديك مجال انك تبدع عشان انتا تحب الشي انتا حتبدع وتجيب معدل عشان تدخل طب ويقولو عنك ماشالله دكتور , المواد اكترها مالها داعي , والمدرسه تغم القلب والمدرسين بيدرسو عشان ياخد راتب مو عشان هوا يحب التدريس ونادرا ماتلاقي مدرس كدا اككه

الله يزكرو بالخير قوم قوم حق الكيميا هادا المدرس مافي احد في المدينه مايعرفو , مشهور بالتصرفات العجيبه في الفصل , يعني تحس للولهه الاولى انك جالس مع مشعوز يطالع في

السقف ويكلم اللي في اخر الفصل ويعلق الاشياء عالجدار من غير مصمار ومن غير اي شي اقلكم غرررريييب بس طيب اوي وطبعا كل اللي يدرسو عندو اخدين عند مدرس خصوصي

قامت المدرسه حبت تعمل خطوه ايجابيه وعملت حصص تقويه في العصر




مع نقس المدرس !!!!


حسيت انه ااحد بيقلي نكته يومها بسو الله هادا اللي حصل


كان نفسي اموت يومها من كتر علامات التعجب اللي طلعت فوق راسي هداك اليوم !!!! طيب ليييش

اني واي مع كل التصرفات العجيبه الا ان الكل يحبه ,,

يالا تشاو

[فراشة]

أهلا وسهلا بك يا أخونا الأكبر

وحياك الله في المنتدى

طرقت موضوع في غاية الأهمية نعاني جدا منه ونصرخ لما يفعله البعض بهذا الرداء من " غرور "

يا أرض انهدي ماعليكي قدي

للأسف البنات معتبرين الحاجة البيضا اللي اسمها لاب كوت عباية ويخرجوا بيها بعد الجامعة لمطاعم ومقاهي .... والبنطلون من تحت باين والطرحة على لون الشنطة والساعة والنضارة الشمسية وحدث ولاحرج من مشاهد تبكي والله

ولعلمك الطبيبات اللي خلاص متخرجين واللي يحقلهم يتفشخروا بعلمهم وعملهم ما لبسوا اللاب كوت واتفاخروا بين الناس ... واللي يعمل كدة بنات اولى وثانية ...... الخ لو جيت سالت وحدة فيهم عن مرض حتفتحلك فمها لانها لسه مادرسته

يعني فشخرة عالفاضي ...

الله يهدي الجميع يارب... ولا يصيب انسان منا بهذا الداء

[إمبراطور الأشعة]

هلا والله باخوية الكبير حياك وبياك في المنتدى :P
وان شاء الله تشرفنا بمواضيعك
وماشاء الله عليك موضوعك هادا في غاية الأهمية خصوصا انه ملاحظ وكتر في اليومين دي (حتى بنات العلوم يلبسوا بالطوا عشان عندهم كيمياء) B) :angry:

ولعلمك ترى صارت الحركة دي عادة زي ما اتفضلت الاخت فراشة عند الصغار في العلم (قصدي اللي زينا في سنة تانية و اولى) والسبب في رايي انه مو غرور بل تمييز
يعني لما تروح البنت في مكان بالاب كوت وشافتها صاحبتها وسلمت عليها ، على طول الخبر بيتنشر (( شوفتوا البنت دي ترى تدرس طب يا حظها)) وهي من جمبها . :( :(

اما بالنسبة لطلاب الطب ترى انا احس انه عندهم فشخرة زايدة من ناحية حرف الدال شوية يعني وبالزات معانا نحنا طلاب العلوم الطبية (الاخصائيين) على ايش ما ادري :o
وطبعا مو كلهم بس هم شوية طلاب متميزين علينا يعني انهم في الطب :ph34r:

ويا اخوية الكبير ترى انا باضايق منهم كتير عارف لي دايما يقولوا روحوا يا فنيين ، وزيما قال بروف العلاج الطبيعي نحنا يقولولنا يا بتاع العلاج الطبيعي مش اخصائي يعني شايف كيف العقدة ;)

وكانه فوق راسهم ريشة وهم الدكاترة ولعلمك شغلهم كله ما يمشي بدون تعاون من الأقسام الصحية كلها

وشكلي طولت عليكم لكن الحل هو انه كل مين يشيل فكرة الاب كوت من راسه عند التمشية والخرجة والطلاب يشيلوا فكرة انهم دكاترة هم لسا طلاب طب وتوعية الناس انه الدكتور هو من يحمل شهادة الدكتوراه
وشكرا

[BiG BrOtHeR]

سالخير

والله ياجماعه احرجتموني بطلفكم وشكرا لكل اللي رحبو فيا

فراشه
خليهم يلبسو شنطه على لون الطرحه و لانضاره على لون الشنطه اللي هوا بكيفهم بس لكل مقام مقام هادا اللي اقصدو , وبالنسبه للطبيبات اللي على تخرج ماعندهم الحركات دي لانه

الانسان كل مازاد في العلم زاد نضج وتواضع !

إمبراطور الأشعة

قلبك مليان ياولدي , كلامك في شي صح بس مانبغى الموضوع ينحصر في مين احسن من مين بس اللهم حاجه كدا لاحظناها وبنتكلم عنها

و اسعدتني مشاركتك ..

[إمبراطور الأشعة]

صح كلامك يا اخوية الكبير
وبعدين ممكن خاني التعبير لا تفكر انه انا اقصد مين احسن من التاني

بس انا اقصد انه اللي يقولوا نوع من انواع الفشخرة الزايدة للطب والصيدلة

وشكرا

[تفاؤل]

مرحبا فيك big brother معانا في المنتدى واشكرك على الموضوع
وحبيت اقول الى الطلبة اللي بيفاخرو بالابكوت ترى موبس هم اللي لابسينه
هناك الرسام واللحام والجزار والحلاق وغيرهم ......
اهم شي هو الانسان نفسه وليست المظاهر الكذابة .. B) B)

[BiG BrOtHeR]

والله تمام عليك ياتفاؤل اوحييييييييييك (احيـك) عالكلمتين اللي قلت ودلت

:)