الإعتداء على عضو من هيئة الأمر بالمعروف

[Nabeel Mishah]

تعرض أحد موظفي مركز هيئة الأمر بالمعروف والنهي عن المنكر بالسويدي للضرب المبرح ومحاولة اختطافه وتصويره بالهاتف الجوال وذلك أثناء أدائه لعمله الرسمي - من قبل مجهولين مساء الخميس الماضي - مما نتج عنه إصابته في الرأس وإصابة في قرنية العين ونزيف داخلي بالعين اليمنى إضافة إلى رضوض وإصابات متفرقة في الجسم.

ويرقد المصاب متعب بن حامد المطيري في مجمع الرياض الطبي، حيث يتلقى العناية الطبية، فيما اتخذت الجهات المختصة إجراءاتها، ومنها هيئة التحقيق والادعاء التي استمعت إلى عضو الهيئة في غرفته بالمستشفى.

وروى المطيري تفاصيل حادثة الاعتداء وفيما يلي نص الحوار:

كيف وقع حادث الاعتداء؟
وصلت لمركز السويدي معلومات تفيد بأن امرأة سوف تخرج من أحد المشاغل النسائية برفقة شاب وتم رصدهما حتى توجها إلى منزل إحدى الفتيات واصطحباها إلى إحدى الاستراحات غرب الرياض وعند وصولهم إلى الاستراحة ودخولهم تم ضبطهم متلبسين بجرمهم، وبعد إلقاء القبض عليهم تم توزيع المهام بين الزملاء وبقيت مع مجموعة من المقبوض عليهم حتى تصل سيارة الشخص الذي أركب النساء في السيارة، وفي غضون دقائق هجم مجموعة شباب من السيارة وانهالوا علي بالضرب بأدوات حديدية وسلاسل ثم سحبوني وأركبوني في سيارتهم، وأثناء إركابي في السيارة قام اثنان من الشباب بالجلوس على ظهري لضمان عدم هروبي من السيارة بالإضافة إلى سحب جوالي وأثناء ذلك قاموا بتصويري بكاميرا الجوال وعند مقاومتي لهم وسقوطي من السيارة قاموا بضربي مرة أخرى بمفتاح العجل ومن ثم هربوا وتركوني مرمياً على الطريق.

:ph34r:

[مذهلة]

مشكور أستاذ نبيل ع نقلك للموضوع


بس عندنا في جدة هنا الهيئه مايصدقو يشوفو بنات قاعدين لحالهم إلا ويشيلوهم


كأنهم عاملين غلط وهما مساكين شلة بنات قاعدين مع بعض غلابه


يعني والله خلونا نخاف نطلع احنا البنات و نقعد في كافيه يعني من جد مصخوها

يعني لو الي عندنا انفرشو كان أحسن :P ههههههههههههههههههههه

[طالبه اشعة]

حسبي الله ونعم الوكيل عليهم شباب فاسد :angry:

يكفي انو اسمهم هيئة الامر بالمعروف وانهي عن المنكر(وانا ياليت انظم الى الهيئه من كثر مانشوف ماهم عليه من خير وصلاح وحفظ الاعراض كثير من بنات.. الله يقويهم...

الله ينتقم من من اذاهم(اللهم امين)

[Nabeel Mishah]

اشكركم على التفاعل مع الموضوع

بصراحة أنا شخصيا اقدر الهيئة ورجالها وجهودهم


ولكن امقت بعض افعالهم

:D

فمثلا لماذا يتم تتبع العورات ؟

يعني مثلا في هذه القصة الجماعة مستورين وراضيين (علما بأنه خطأ وحرام) ولكن أن يتم تتبعهم بالطريقة هذه

[فيصل الأحمدي]

لا يرمى بالحجر إلا الشجر المــثــمــر ..


مشكور أخي العزيز نـبـيـل .. :)

[الدكتور زياد ابو طعيمة]

شكرا اخي نبيل على موضوعك واقول لرجال هيئة الامر بالمعروف والنهي عن المنكراصبروا واحتسبوا عند الله و عليكم بالدعوة الى الله باللين وحسن المعاملة، والتلطف بكل الوسال الممكنة للوصول الى المقصود-دون تنازل ومماراة.
و كما قال رسول الله عليه الصلاة والسلام لعلي ابن ابي طالب كرم الله وجهه (لأن يهدي بك الله رجل واحد خير لك من حمر النعم) او كما قال صلى الله عليه وسلم

[طالبه اشعة]

والله العظيم ....

انو اغلب البنات يخافون من الهيئه ويحسبونهاا الف حساب اكثر من اهلهم. :blink: ..

انا بنت وعايشه في مجتمع البنات.. وجامعه .. البنت ماتخاف من امهاا وابوهاا اذ بتطلع مع احد بس تعمل الف حساب انهاا تكون بعيده عن انظاار الهيئه وتفكر وتعيد التفكير انهاا ماتمسك مع رجال الهيئه ..
وهذاا رادع باذن لهم الله :rolleyes:

ويكفي انهم الفضل الكبير في توعية البنات ... وتنبيهاا ..عن طريقة تفكير كثير من ذئاب اليوم.... وانا مااتهم الشباب بي الفساد(واعرف فيه بنات يخربو بلد)
ولهم فضل في هداية كثير من شباب...

وبانسبه تتبع اعراض الناااس...وصدقني ان من تجربه العمليه لي رجال الهيئه اذ مسكت البنت والولد في خلوة غير شرعيه وستروا على البنت(الولد اكيد راح يتبرا منهاا كاالعاده) 90% ان البنت بترجع تتقابل واحد ثاني انتقم من الاول...وهذا من تجارب الهيئه على ارض الواقع مو من كلامي او تفكير واذ مانت مصدق روح اسال مكاتب الهيئه في ريااض خصوصاا)


وانا عندي الف مره انا البنت تنمسك وتنفضح وهي في بداية المشوار(ويكون لهاا اجر الصبر على الفضيحه والصبر على رد فعل الاهل وحنا نعرف ان الصبر على الابتلاء من اسباب غفران الذنوب) من انهاا توصل مراحل متقدمه من علاقته بشاب وتصير خسرت الدنيا ووالاخره يعني (ناار وعااار)
وحنا نعرف انو مافيه شي في الدنياا يكون مستور طول العمر ولابد من تنكشف الحقائق ..
في الافضل تنكشف الحقائق من بدري ويكون طيش شباب او تنكشف والبنت تكون حامل وش ذنب الطفل يظهر على الدنيا وهو لقيط

واذ احد عنده شك واو سؤال ليه مايروح ماكاتب الهيئه ويسال ويطلع...وراح تشوف العجب..وما تحكمون من الظاهر

[attallah]

سلام عليكم ورحمة الله وبركاته ..

كيفكم جميعاا ..

لا شك ان دور الهيئه دور معروف ويجزاهم عنا الف خير لاكن...

في بعض التصرفات تسي لرجالات الهيئه أنا أقول بعض وهذا

اللي حاصل والمواقف كثيره !!

أما بالنسبه لرجال الهيئه واللي يتمشون في الاسواق وهذا

جزء من عملهم ويلاحظون الشباب والبنات يعني الشاب اذا

شاف الهيئه يحاسب على نفسه والبنت كذلك أما أنهم يتعرضون

العوائل وأنتِ ليش لابسه كذا وانتِ ليش لابسه هذا لا معها ولي

أمرها وبكذا مايصير تتدخل في الموقف هذا ولا يجوز أنه يتكلم معها

هذا اذا هو هيئه !!؟؟

طبعا ماتسوى عليه يقول مالك شغل فيهم وأنا ولي أمرهم ولاتتدخل

في شي مالايعنيك !!؟؟ شنو راح يكون ردة فعله !!:cool:

وكذلك انا أشوف هالايام طايحين الهيئه بالشباب الصغار يعني ما يتدعى

عمره 25 سنه ويتمشى بالاسواق لا وبعض الاحيان ماسكين عصا !!

يعني هذا عمره 25 سنه يعني أنه بالهيئه ما ينفتن ليش والا ملاك يعني

المفروض يكونون أكبار بالسن وحتى لاشفته تستحي من شكله ووقاره

واللي يكون كبر أبوك وبذلك تحترمه أحترام ويكون بشوش مع الناس

مو والله عمره 25 سنه ويلاا أستري نفسك يامره وهو رايح فيهاا !!

أبي أقول لكم موقف صار في أحدى الاسواق هذا شاب يعني عمره 30سنه

ومعاه زوجته راحوا للسوق ..



وصلوا السوق ونزلت زوجته وهو قاعد يقفل السياره طبعا السياره راكنهاا قدام السوق

الزوجه خذت بعضهاا وتقدمت مشت قدامه باللحظه هااذي الزوج قفل السياره وراح يم زوجته

وهي على بعد خمس أمتار كذا ..























شنو اللي صار !!!



















الزوج جن جنووونه !!


















السبب؟






















شاف زوجته قدامه واهي معطيته ظهرهااا وما بينه وبينها الا خمس أمتار

الا وااحد من رجال الهيئه يضربهاا كذا على ضهرهاا !!؟؟؟












ويقووول أستري على نفسك !!؟؟















ليش البنت مو مستووره يقول قطي أعيونك وقطي أيديك !!؟؟










طبعا باللحظه هاذي الزوجه ردت فعلهاا من الضربه التفت وراهاا وماسكه كتفهاا

وظهرهااا وتطالع مين !!؟؟


















تطالع زوجهاا طبعا ماصرخت بس دمعت عينهاا..




طبعا الزوج شاف الموقف وأنجن وجاء بخطوات سربعه ومسك

الرجل هذا وشال فيه فوق وبالارض وأنقض عليه وتكفيخ وبقوسات

تخيلوا الشرطي اللي معاه والمطاوعه تجمعوا ماقدروا على الزوج

وماقدروا يشيلونه من فوق رجل الهيئه كل اللي حضروا الموقف

شافوا ان الرجل ماقام منه الا بالعافيه ويده فيها شعر من لحيته!!؟؟


وصارت زحمه وقال له بالحرف الواحد علشان تتعلم تمد يدك على بنات الناس

وجات الشرطه وقالوا له أركب معناا للشرطه قال والله ماراح أركب معكم أخذ

زوجتي الحين وأوصلهاا للبيت وأجيكم أنا أعرف وين مكان الشرطه وأنت بعد

ماراح أخليك !!؟؟







يعني هالموقف هذا وفي مواقف كثيره من بعض رجال الهيئه أساوا بالفعل للهيئه

يعني ماراح أحد يرضى زوجته أو بنته أو أمه نتضرب كذا !!؟؟




في موقف قالت لي مره فنيه معنا طبعا الفنيه هاذي فلبينيه وكانت تشتغل بالقصيم

مره من المرات طبعا بالقصيم لازم يلبسون نقابات ومادري ايش المهم

طلعنا للسوق نتسوق واهي مجموعه من البنات تقول لابسين يعني النقابات

واذا جاوا يم محل يفتحون النقاب بحيث أعيونهم بس اللي تطلع فهمتوا علي أعيونهم بس

فصدف ان احد رجال الهيئه مار من عندهم واهم فاتحين النقاب اللي مطلعين اعيونهم

وقالهم كلهم بلغتهم المكسره سكًر عيون سكًر عيون ..؟


يقصد يعني قطووا اعيونكم المطووع ..

اهم من الخوف ومافهموا عليه غمضووا اعيونهم كلهم

ههههههههههههههههههههههههههههههههههههاي
هههههههههههههههههههههههههههههههههههههههاي


انا طحت من الضحك تقول يقول سكًر عيون وأحنا سكرنا اعيوناا

ههههههههههههههههههههههههههههههههههههههههاي


















على العموم يعطيكم العافيه وماقصرتواا وموووضووع وااسع وشائك بنفس الوقت

لاكن يظل عمل الهيئه عمل ديني ويحثنا الدين على ذلك بس لكل عمل أصول

وأتمنى تعمل لهم دورات كيفية التعامل مع الناس لان النهي والزجر لربما تحصل

نتائج وخيمه وماراح أحد يتقبلها اذا كانت ذلك فإذا أتوا للناس بالكلام الطيب ويحاولون

يكسبون الناس لعمل الخير صدقني راح يطور عمل الهيئه والناس تكون أكثر تعاون معهم

وهذا احنا اللي نبيه ونبي نوصل اليه .





مشكوورين على الموووضع ويعطيكم الف عاافيه :flower2:

[hemo]

السلام عليكم
شكرا دكتور نبيل على الموضوع
وانا من وجهة نظري
اعتقد عمل الهيئة النصيحه وبس والباقي على الجهات المختصة يعني صرنى نسمع عن الهيئة اشياء ما لها اي صله باخلاق الملتزمين وانا صراحه مؤيد عمل الهيئة بس مو توصل الين المطارده والظرب
وانا اسف لو اخطيت على احد
وجبيت اقول وجهة نظري في الموضوع

[Nabeel Mishah]

ياهلا بالاخوان والاخوات

الهيئة كجهاز من اجهزة الدولة محل تقدير واحترام من جميع فئات المجتمع السعودي
وبها رجال مخلصين للدين والدولة والمجتمع

ولا احد ينكر جهودهم في الحفاظ على القيم والاخلاق

وحتى تحافظ الهيئة على هذه المكانة الجيدة بالمجتمع عليها القيام بعمل الكثير والكثير من الاصلاحات الداخلية وتطوير آليه عمل رجالها وضبط مستواهم العملي والعلمي والتأكد من مصداقية كل منتسب لها سواء رسمي أو متعاون وتطوير وعيهم الديني والابتعاد عن افتراض سوء النية وتقديم حسن النية

فمثلا ....

قبل اسبوعين أختى وزوجها (متزوجين حديثا) قبضت عليهم الهيئة بالرياض وفرقوهم عن بعض كل في زاوية ويسألونهم اسئلة ويطابقون الأجوبة !!!!!

يعني زي طاش ماطاش فعلا !

وتم مصادرة الجوالات واحجزوهم لمدة ساعتين ولم يأخذوا بعقد النكاح ويقولون ( ويش درانا ان هذه اللي معك هي التي اسمها في عقد النكاح؟) ويقولون لأختى اعترفي بأنك انت صديقة زوجته !
ويتصلون على رئيسهم وسألهم هل معهم وثائق ؟؟؟ ويقولون لرئيسهم ( لأ .... ما معاهم وثائق) !

واصروا على اقتيادهم بجيمس الهيئة
ويوم وصلوا للهيئة قال لهم رئيسهم بالمركز ايش قصتكم؟؟؟ فقالوا لهم نحن متزوجين فطلب منهم اي اثبات وعندها تم اخراج وثايقهم
وعندها دهش الرئيس وقال .... طيب انتم ليش جايبينهم؟؟؟؟؟؟

قالوا لأن فيه سؤالين لم تتطابق الاجابات !!!!!!!!!!!!!!!!!!!!!!

فأعتذر الرئيس واخلى سبيلهم مع تقديم كامل الاعتذار !

طيب ليش القصة دي تحدث من الأساس؟؟؟ ومافائدة الاعتذار بعد الموقف الهزلي هذا؟

اليس هناك ضبط للأداء؟ أليس هناك عقوبة لمن يقوم من اعضاء الهيئة بمثل هذه الحالات الغير الصحيحة؟
لماذا لا يتم طردهم أو على الأقل توجيه انذار لهم وتحتفظ بصورة منه في ملفاتهم الوظيفية؟

ماذا حدث لعضو الهيئة الذي اخطأ وعرض كرامة اسرة مسلمة جديدة قائمة على سنة الله ورسوله وجعلهم فرجة امام الناس ويتعرضون لضغط عصبي وصدمة نفسية ؟؟؟؟

اليست الهيئة بجهاز دولة؟؟؟ اليس العاملون بها بشر ويمكن لأي منتسب لها أن يخطئ؟؟
اذا لماذا لا تتم محاسبة المقصر منهم او الخصم من رواتبهم او توجيه الانذارات لهم أو حتى مقاضاتهم مثلهم مثل اي موظف بالدولة؟

والى متى نسمح لمثل هؤلاء المقصرون بتكرار الاخطاء بل تعمدها في بعض الأحيان وتشوية سمعة هيئة الامر بالمعروف لدى فئات المجتمع؟؟؟

[hemo]

شكرا دكتور نبيل وشكرا شباب وبنات المنتدى
انا صارلي قصه مع الهيئه وهي:
كنت في زياره لي المسجد النبوي (المدينه المنوره) ورحت لي صلاة العصر وقبض احد رجال الهيئة عليه امام الحرم وسالته انا ايش مسوي قالي انت جاي تغازل البنات؟ عند الحرم وناده المسوال عليه وسالته لي شكيت فيه قال عشانك لابس كاب احمر وثوب ؟؟ وشعرك طويل وجلسوني في قسم الهيئة 4ساعات وهم يبوني اعترف اني جاي اغازل وفي النهايه قالو اسفين بس عشانك من جده.وجده كلها شباب وبنات يغازلو بعض . بس انا باسال ليه اخدين سمعه مو حلوه عن جده وشباب جده؟؟؟؟؟؟؟
وشكرا

[attallah]

فعلاا مثل ماتفضل الدكتور نبيل ليش ما يتعاقبوا ويضع لهم جزاء كأي موظف الدوله !!؟؟



اللي يخطى يأخذ جزائه وهذا اهو اللي مطمعهم بخلق الله لو وراهم أحد يجازيهم علىأفعالهم

هينا راح يحاسبون على كل حركه يسونهاا اذا كانت صائبه او خاطئه .

[bob]

ترى الهيئه مكانتها كبيره بس المطاوعه اللي ماعندهم اسلوب هما اللي خربوا الدنيا
ترى يا جماعه أكثر أعضاء الهيئه مش متعلمين فأعذروهم
وانا رأيي من رأي الأعضاء لازم ينحط لهم حدود





وألف مبروك أستاذ نبيل والله يعين اختك وزوجها

وبعدين انا صاير اشوف حاجه غريبه هاذي اليومين
منجد أدهشتني
ألاقي واحد ملتحي ولحيته كبيره
وقاعد يدخن ولا يطلب شمه
ولا يشرب شيشه شي غريب الصراحه





الله يغفرلنا ويغفرلهم

سبحان الله وبحمده سبحان الله العظيم